جنوبي ٍ زما صدره مع بارد نسيم الليل
وغنى طرقه الشهري وصفّت له جنوبيه
ذكر ذيك الديار اللي عليها كل يوم يخيل
سحاب ٍعارضه يمطر ويسقي كل ريفيه
خذاني عن جمال ابها وسودتها ضنا الترحيل
وبارى قدرها ذاتي وجاوز كل قدريه
أحن ألكل ذعذاع ٍ يهبّ وجاوبه أكليل
وأعن النفس في ذكرىً تجيني كل عصرية
يعطرّني نفسها بمتزاجه نبتها بالسيل
ويذبحني غلا شمس ٍ تغازل طير قمرية
على غصنٍ تبلل بالندى يطرب له التمييل
مع بسمة نهارٍ ابتدا بنفاس روحية
مع انه رغم ما خالج خفوقي يعتصرني ويل
واحاول اقطع الدابر مع روح ٍ جزوعيه
جزتني بالبطا وانا اتحمل بالعنا واشيل
واكب اللوم من نفس ٍ تعذربها السموحيه
على الله يا وفاي اللي جعلتك من نصيب أبخيل
لقى منك العطا واما انت ما لقاّك حنيه
خبرته جادل ٍ غروٍ طموح ٍ واثقٍ وثقيل
ومن قوم ٍ لهم وجه ٍ وقامه وانتمائيه
قنعت بحبه ومده ويبقى للأمل تذيل
ليا بان الجدي واغرا سهيل بليل شتويه
وتبقى دمعةٍ عيّت تزاح بطارف المنديل
لا قبّل ذكرها وادبر وسوت بي حزازيه
وعلى الله كلما هبت هبوبك يا نسيم الليل
تعرضني على همي واقول ايام مرعيه
عامر صالح ال شنيف
