[فزاع المرشدي]

قصيدة للشاعر الدكتور ياسر بن بندر الغنامي الروقي الملقب ( بسداح العتيبي )

والذي يسكن في دولة الكويت والقصيده تتنبأ بمستقبل الكويت القادم.

اعجبتني فكرة الشاعر وتقمصة للشخصية المقصودة في القصيدة:


وهذي قصيدة الدكتور سداح العتيبي :


[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياربعنـا اللـي ورى رضـوان=شوفـوا لنـا بيـوت شعبـيـه
بإيجـار ماهـيـب بالمـجـان=مشـريّـة غـيـر مـهـديّـه
الله ولا مـنّــة الــديــان=لـو كلـكـم مـنـي وفـيّـه
الوضع مخطـور فـي هـدلان=حسـب الظـروف السياسيـه
اللي وصل من قصـر دسمـان=مجموعـة أخـبـار سـريـه
مضمونهـا ســم بالرحـمـن=وانحش عـن الـداب والحيـه
والله أعلم .. ياضـرب ايـران=خــلال الايـــام هـذيــه
عان البحـر فـاض بالحيتـان=ولا عـاد فالحـور حـوريـه
واجـواء البلـد كلهـا دخـان=وحدودهـا غـيـر محمـيـه
واحمد نجـادي طويـل لسـان=يزمـر بعـد خربـت النـيـه
الفرس صفـوا لـه الفرسـان=فـي دارهـا نـارهـا حـيـه
والمشكـلـه قـفـل البيـبـان=ولا يقـبـل حـلـول وديــه
يـقـول لملـهـي الرعـيـان=غــرد لعـيـن الخميـنـيـه
وحنـا ليـا مـيـل المـيـزان=تقاطـعـونـا الـحـرامـيـه
كـم بيننـا سـارق وخــوان=هــذي عـلــوم حقـيـقـه
خورشيد .. والمهري ..وسستان=وعبدالحسيـن وبـنـي خـيـه
والبهبهـانـي وابــو هـبـان=وغلـوم .. يالعنـبـوا حـيـه
جيران مـا تعـرف الجيـران=ملـه مـع الـنـاس ملـويـه
بكـره تكشـر لـك النيـبـان=وتظهر لـك امـواس مخفيـه
واول مـا يقعـد بهـا البـدوان=ويـن انـت ياناطـح الهـيـه
ويمكن بعـد شرذمـة طهـران=تـرشـنــا بـالـنـوويــه
نبـا نسرمـد مـع الخلـيـان=مـاعـاد فالـوقـت مـاويـه
نسلـم وناكـل لحـوم الضـان=ونشـرب حليـب السعـوديـه [/poem]




ورد عليه الشاعر الموجهه اليه القصيده الشاعر غالب الذيابي الروقي العتيبي


[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

تذكّر الكايـن اللـي كـان=بعـد اذن الفجـر بشويـه
والعصر كل البلـد مليـان=وفـنـادق الدار ممـلـيّـه
واليـوم يابعدهـا يافـلان=بيـوت مافـيـه مولـيّـه
تعـال ونسـدك العـدوان=وابـن الخيـام الصباحيـه
سداح وانته سليل حصـان=وجينـات دمّـك عتيبـيـه
أشهر سوات أشقر الجنحان=مـادام الاجـوا طبيعـيـه
ايّـاك ومقابـل الحقـران=والذل لارحـم ابـو حيّـه
ديرة رخى تشبع الجيعـان=وفالحرب ما تنطـح الهيّـه
قانونها رخـص الشجعـان=وأغلا ثمـن كـل دونيـه
نص القبايل تقـول أفغـان=بـدون مافـيـه جنسـيـه
ومحمود حيدر يجر الحان=على القصـور الأميريـه
وربع الجويهل غدوا شيخان=ولهـم مزايـا وزاريــه
عليك بديار ابـن وبصـان=شيخ السلـف ورث جديـه
شيخٍ شداده مـن الجـدان=وأمارتـه نارهـا حـيّـه
وانته من الحفر لدعيكـان=وألا عـبـال الرماحـيـه
تلقى هل الطايلـة والشـان=كـب الديـار الكويتـيـه


[/poem]. وسلامتكم


.