أبيات جميله لشاعركبير وهو الشاعر خليل الشبرمي
أعجبتني الأبيات قلت أدزها لكم
تستاهلوا
يامن دهتني عيونك واحتوتني يديك
الله يسامحك كيف تقول ماذا دهاك ؟
ماتدري ! اني متيم بك ! وكلي لديك
مملوك! مأسور! مسبي! مستهام! بهواك !
واموت كلي معك.. واموت فيك وعليك !
واغليك .. لكن عسى الله مايبين غلاك
واحن اليك .. وعليك احن من والديك
ومن لهفتي عين قدامك وعين(ن) وراك
اشتاق لك واشتكي لك منك واشكي اليك
كلك ملكني وكلك في عيوني ملاك
جادلك! جيدك! جبينك! خنجرك! حاجبيك !
اسمك ! سماتك! سموك! سستمك! مستواك
جوريك! جمرك! لجينك! عسجدك! وجنتيك!
ذرابتك! رقتك! روعة حضورك ! بهاك !
وجهك ! وهج مبسمك! بسمتك ! غمازتيك!
براءتك! خالك الي لاذ بأيسر شفاك!
سجنجلك! جلنارك! نرجسك! كركديك!
كاديك! مسكك! نسيمك! شمس صبحك! مساك!
سهام عينك! نعس طرفك! حور مقلتيك!
طلتك! ملحك! حلاتك! خف دمك! حياك!
ماعرف اعود ولا اهدي ولا امسك بريك
لاجيت.. اجي كلي .. وكلي عساني فداك
اقدم الروح كاش ! وباقي العمر شيك
باسمك مصدق .. ولا يصرف لحي(ن) سواك
إن شاء الله تنال على اعجابكم
