بسم الله الرحمن الرحيم
السلام عليكم ورحمة الله وبركاته
والله يالربع هذي القصيده كتبتها بعد ما كنت اتصفح النت ولقيت صوره ابن الشاعر محمد بن فطيس
فتهيضت وكتبت هذه الابيات العفويه التي جائت من القلب الى المنتدى دون تدقيق المجال غير مفتوح للنقد خخخ لازم تمدحون لو مجامله :
ان صرت مثل العود مافيك حيله=عز الله ان الشعر ماضاع تاليه
جدك كسب مجده على كل جيله=وابوك برقه في سما الشعر يغنيه
لا لاح برقه في سحاب المخيله=صاحت جروح(ن) في خفوقي تناديه
يحيي عروق فالضماير محيله=ويحيي قصيد مات في صدر راعيه
ماقول ماغيره يذب الطويله=لكن ماغيره عطى شي يعيطه
الزين يغني عن كثيره قليله=لكن وين اللي يبيعه ويشريه
والشعر يغني عن هزيله جزيله=شطر كفو يغني مزاجي ويرضيه
اخير من عشرين بيت هزيله=بيت القصيده يدخله غير بانيه
هذا قصيدي قدهو اللي يجيله=مستقبله يمشي على درب ماضيه
