يقـول مـــن غنى بزيـن الهنـــاديـب =وايجـر صوته في معدى الرقيبه
يلعب وكـــــــم غيره رجالن لواعــيب =واخذ مـن هموم اليالي نصـيـبـه
واخذ من الدنيا دروس وتـــجاريــب =وفي كل يوم يزيد يادبيس شيـبه
ومن كل قوم له ربـوع واصاحــيـب =وكــل على ماقيل يمدح صحــيـبه
وكل معه في الطيب مقسوم لاريب =واطـيب قبيله فـ الجزيره عتيبه
من دون نقـص في حقوق الاجانيـب =كـــل القبـايـل ما عليـها غــليــبه
لاكن عتيبه طيبهم من ورى الطيــب =وعــن طيبهم كل درى ويحكي به
ليـا قلت تكفى للعتيبي لـك اجيـيـب =مـــادام ماحطـوا علـيه الـنصــيبه
تـرتيـبهم الاول على كـــــــل ترتـيـب =اقـول قول الصدق والكذب خيـــبه
ذباحت الحايـل كبـــار المــعاصـيــب =ولــطامت العـايل بقـوه وهـــــيـبه
عتـيبه الهيـلا رجــــال المواجــــيــب =الــي لهم فعـلن وسمـعه وطــــــيبه
من ظن فيهم ظـــن والله مايــخـيـب =وطـلبك لاقـام العـتـيـــبــي يجـيبـه
عن مجدهم لـو يكتبون الكـتاتيب =تـفنى صحايفهم وهي ما تفتــي به
قلته وانا مالـي وراهم مطــاليـب =امدح خوال الي سكن وسط طيبه
هذا وانا ربعي رجــــالن معاصــيــب =قحطان هي ساس العرب والعريبه
وكل القبايل نعم من دون تحسيب =لاكــــــن في القمـه قــبيلة عـتــــيبه

المصدر: الملتقى الجماهيري للشاعر محمد بن فطيس المري