[~{سوافي~الريح}~]

الجرح مؤلم من إيد إنسان تحتاجه
..........و معتبره لفجر راحات العمر شرفه
يا سيد الأمس ، يومي عاقد حجاجه
..........و خايف بعد ما أعرف لباكري صرفه
سجين ذكراك لا تسجنْه بإفراجه
..........منّك و من ما يصبّر نزفه و حرفه
كم دمع للناس و أبطي مغلق سياجه
..........و كم دمع لأجلك تباهت عيني بذرفه
و مسلسل الهم أهنيكم على أنتاجه
..........إنت و شقى حاذق و ما غض بي طرفه
صحيح إدخال حب أصعب من إخراجه
..........ياللي عزفت الفراق و صرت تحترفه
خذيت منّي حضور أبطيت أحتاجه
..........و للحين ذنب البكا رجّال و أغترفه
الوقت دوّار لكن يوم نتواجه
..........خلك غريب و أنا باقول ما آعرفه

 

 

 

 

 

 

 

 

توقيع : ~{سوافي~الريح}~