08-09-2012, 06:30 AM
|
|
|
ما يستقيم الحظ والعالم جلوس --- ولا تصلح البسمه على من فقدها
مشيت في دربن من الشوك متروس --- ورجلي تخطّى لين بين جهَدها
دربن قبل ماجيه ماكان مديوس --- الجُره اللي فيه تبقاء وحَدها
وأخذت من مشيي معه عدة دروس --- وحكمه تعالج كل غلطه بعَدها
لا تسمع المنحوس وتصير منحوس --- وخل المقرّد تحترق في بلدها
وان شفت وقتك جاله سنون وضروس --- وحوّل على حدب الضلوع وهجدها
فلا تنزوي والهم في الروح مدسوس --- ولا تقبل جروح الزمان ونكدها
ما يستقيم الحظ والعالم جلوس --- ولا تصلح البسمه على من فقدها
حوّل على طلع الشياطين بالفوس --- واحفر لها حتى تقصّي لحدها
والدين خله داخل القلب مغروس --- وفروض ربك صلها في وعدها
ما غابت الشمس لاكن غابت البسمه --- واستسلم القلب لجروحه وطعناته
هذا هو الحظ ولا هذي القسمه --- ولا زماني تغير عن بداياته
عبدالله حمد
|
