02-18-2011, 04:19 AM
|
|
|
يامنبع الحب الحقيقي ومقرة..اشواقنا ظمياء تبي بس قرطوع
 السسلام عليكم..
شخباركم؟
احب اقدم لكم قصيده جديده لي يارب تعجبكم..
عنوانها(منبع الحب)
يقول:
يامنبع الحـب الحـقيـقـي ومـقــرة
اشواقنا ظمياء تبي بس قرطوع
عدت سحاب الشوق حد المجرة
وجفت حبال الــود يـنـبـوع ينبوع
سبـبـت لـي ولـحال حبك مضرة
وخليت وصلك من هوا الجو ممنوع
لآصبحت قلت اليوم خير ومسرة
ويحل ليلي والرجاء فيك مقطوع
ناديت بأعلى صوتي الفين مرة
وصار لصدى صوتي تناهيت ودموع
درب الجفاء كم قلتلك لاتمرة
واليوم مريته وانا منك مفجوع
حالي على كيفك تسوقه تجرة
والقلب خاضع غصب عني بلا طوع
يلعب بي غيابك وقلبي يحرة
وصار الوفا في دنيتك غير مشروع
ماتدري ان غيبتك بالحيل مرة
ماتدري ان غيبتك بتحز وتلوع
كسرتني ياصاحبي كسر جرة
وايقنت موتي عقب ماغبت بأسبوع
وسلامتكم يارب تعجبكم
ملاحظاتكم ونقدكم وتقييمكم يزيدنا اصرار لتقديم الافضل
تح ـيتي لكم
|
