البارحه يوم كلن نوى المرقاد///////////////علي بالحرام اني مالديت لفراشي
من الهم والضيقه يالسامع النشاد///////////علوم تجيني تجعل الراس ينداشي
ابعرض لك القصه يالعارف النقاد//////////ولاتنعرض قصه على لاش ابن لاشي
ليا صار خلك ناوي عنك المبعاد/////////////ويرخي سموعه كل مامره الواشي
والى قلتله وش فيك قال ابغض المقعاد/////ويجمع قشاشه وسط جنطات وخياشي
ابي الراي منك داملك بالهوى ميراد////////وأنا خابر إنك ياجمل قبلنا حاشي
////////////////////////////////////////////////////////////////////////////////////////////////////////////////////
الرد
بعد جتني حروف مثل شعلة الإستاد//////////طلبت المدد من واحد يعلم الغاشي
هلا مرحبا وأهلين يصعب على العداد////////يحسب هلا وأهلين من مصدر الجاشي
ياغشام لا تسمع لعذالك الحساد//////////////يبونك ليا شفت المحب شان تنحاشي
يبون المفارق بينكم ينكتب بسناد////////////ولاتقرب السكه ولويتعب الماشي
عواذل غرضهم بعدكم وافتهم تنصاد///////وكم فرقوا من قبلكم والسبب واشي
تسمع علومي وافتهم كلمة القصاد////////تمسك بمحبوبك ولو تدخل إنعاشي
