[ناصر بن حسين]

يا ناعس الطرف حبك في ضميري سكن
ما بين عظمي ودمي واللحم والعروق

اضحى يخالج فوادي لين جوفه مكن
يوم اكتشف فيك عن باقي العذرا فروق

النور داخل عيونه غير خدك دكن
وان شاف زولك تكاشف في ظلامه بروق

يذوب لا من طروك او فيك الاحيا حكن
ما بين همس الشفاه وبين نبض الخفوق

يركن على الشوق يوم ان المعنى ركن
ان العنى بايولي في منار الشروق

ان شاف وجهك يقو الخد كنه وكن
شمسٍ على الكون شعت وارًثت به حروق

وعيونه اللي من الفرقى لهمسه شكن
ما عاد فيها من هموم المحبين موق

انفاس حبي لها بالطهر الامثل زكن
ليت الخلايق مثالي للمحبه تذوق
\
ابكي عليها وروحي والمشاعر بكن
ما تدري انها ملاذ الروح عقب الفتوق

اقول يا قلب بسم الفاتنه ذي تكن
ويقول بدري عليك انا على طول فوق