[الودعااني]

أنا ويش أسوى فى زمانى يابن نمّاس
زمــــــــــــانٍ مغامر والثقه فيه تخدعني

يحاول يوقفني على شفةٍ من ياس
وعيت دروبٍ تاسع الناس تاسعني

أخذبي على دروب الشقا والعنا مرواس
ولاباقى ألا فــــــــــــــي المهامه يضيعني

تحملت من جور الليالي بدون قياس
ولو حملها ميّل على المتن وأوجعني

وصبرٍ على الشده شجاعه وقوة باس
لــكـــن الظروف القاسية ماتطاوعني

ليا اجتمعت الثنتين حاجه وشيمة راس
وهــــــــــــــاذى تنزلنى وهذيك ترفعنى

رفعت النظر والله عطانى نظر واحساس
وهـــــــــــى ميزةٍ فى كل الاحوال تنفعني

حياة التجارب علمتنى وانــــا حساس
وخلتنى أعرف نظرة العين وش تعني

وانا لو بدت لى حاجةٍ عند بعض الناس
أريـــــــــــــــــد الكلام وعزة النفس تمنعني

الشاعر : الكبير رشيد الزلامي

تحيتي لكم

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه