لا غنت الورقا على الدوح غنيت
♥♥♥♥♥♥♥♥♥♥♥♥♥♥♥♥♥♥♥♥
لو كان صوتي ما يناسب غناها
ــــــــــــــــــــــــــــــــــــــــ
يمكنها قامت تغطرف زغاريت
♥♥♥♥♥♥♥♥♥♥♥♥♥♥♥♥♥♥♥
ما هيب تلعي من دبورن وطاها
ــــــــــــــــــــــــــــــــــــــــ
ولا فنا جريت صوتي وونيت
♥♥♥♥♥♥♥♥♥♥♥♥♥♥♥♥♥♥♥
الونه اللي في ضلوعي صداها
ــــــــــــــــــــــــــــــــــــــــ
حاولت أهديها وعيت وعييت
♥♥♥♥♥♥♥♥♥♥♥♥♥♥♥♥♥♥
وعجزت لقطع دلوها من رشاها
ــــــــــــــــــــــــــــــــــــــــ
مبطي وهاذي حالتي ما تشاليت
♥♥♥♥♥♥♥♥♥♥♥♥♥♥♥♥♥♥♥
من علتن مدري معي لا متاها
ــــــــــــــــــــــــــــــــــــــــ
ما دامها في خاطري ما تعافيت
♥♥♥♥♥♥♥♥♥♥♥♥♥♥♥♥♥♥♥
الا ولي الكون يصرف دواها
ــــــــــــــــــــــــــــــــــــــــ
يا صاحبي لا تقول لي ليه صديت
♥♥♥♥♥♥♥♥♥♥♥♥♥♥♥♥♥♥♥
صدت بي ظروف الحياه وشقاها
ــــــــــــــــــــــــــــــــــــــــ
ما غير اسولف واتبسم يابلفيت
♥♥♥♥♥♥♥♥♥♥♥♥♥♥♥♥♥♥♥
مجاملت نفسن تدمدم خفاها
ــــــــــــــــــــــــــــــــــــــــ
بلاي ما نيب أكشفه لاتبلويت
♥♥♥♥♥♥♥♥♥♥♥♥♥♥♥♥♥♥♥
مير أنشدوا عرباننا وش بلاها
ــــــــــــــــــــــــــــــــــــــــ
لا ناسين حين ولا راجين ميت
♥♥♥♥♥♥♥♥♥♥♥♥♥♥♥♥♥♥♥
والناس ماني ميتن في رجاها
ــــــــــــــــــــــــــــــــــــــــ
وأن قفت الدنيا بأهلها وقفيت
♥♥♥♥♥♥♥♥♥♥♥♥♥♥♥♥♥♥♥
عيبن نعوج أرقابنا في قفاها
ــــــــــــــــــــــــــــــــــــــــ
طغيت في بعض الأمور وتماديت
♥♥♥♥♥♥♥♥♥♥♥♥♥♥♥♥♥♥♥
ورديت باقي خطوتي عن خطاها
ــــــــــــــــــــــــــــــــــــــــ
ما نيب جافيهم ولكن تجافيت
♥♥♥♥♥♥♥♥♥♥♥♥♥♥♥♥♥♥♥
من باع عشرت صاحبه ماشراها
ــــــــــــــــــــــــــــــــــــــــ
من يوم في روض الكرامة توطيت
♥♥♥♥♥♥♥♥♥♥♥♥♥♥♥♥♥♥♥
والله ما يحييها الحيا لو سقاها
ــــــــــــــــــــــــــــــــــــــــ
يا ليت روحي ردها الله ولا جيت
♥♥♥♥♥♥♥♥♥♥♥♥♥♥♥♥♥♥♥
قبل الزمان الصلف يلعن ثواها
ــــــــــــــــــــــــــــــــــــــــ
يا ما نويت أشياء وياما تمنيت
♥♥♥♥♥♥♥♥♥♥♥♥♥♥♥♥♥♥♥
والفقر رد انفوسنا عن هواها
ــــــــــــــــــــــــــــــــــــــــ
عز الله أني في العرب ما ترديت
♥♥♥♥♥♥♥♥♥♥♥♥♥♥♥♥♥♥♥
بس السنين العوج بين رداها
ــــــــــــــــــــــــــــــــــــــــ
واللي يقول أحب حاجة وسجيت
♥♥♥♥♥♥♥♥♥♥♥♥♥♥♥♥♥♥♥
والله لوأنه يحبها مانساها
ــــــــــــــــــــــــــــــــــــــــ
وأنا ليا ذكرت داره ومريت
♥♥♥♥♥♥♥♥♥♥♥♥♥♥♥♥♥♥♥
تبين الذكرى القديمة غلاها
ــــــــــــــــــــــــــــــــــــــ
عيني ليا قامت تلفت على البيت
♥♥♥♥♥♥♥♥♥♥♥♥♥♥♥♥♥♥♥
بكت وبكت حيها من بكاها
ــــــــــــــــــــــــــــــــــــــــ
و القلب من قلبه يجر التناهيت
♥♥♥♥♥♥♥♥♥♥♥♥♥♥♥♥♥♥♥
والروح كنها تنمزع من حشاها
ــــــــــــــــــــــــــــــــــــــــ
عز الله أني يوم حبيت حبيت
♥♥♥♥♥♥♥♥♥♥♥♥♥♥♥♥♥♥♥
والفقر رد انفوسنا عن هواها
