ابيات لأبن العم الشاعر عبدالله المرشدي
الصديق اللي معه تحلى الصداقه=غير اطباعه بلا ذنب وخطيـه
الله اكبر عقب هذيـك العلاقـه=عقب ماكنا سوى صبح وعشيه
دارت الايام واعثـت فالرفاقـه=لين كلٍ صـار مايذكـر خويـه
والله اني شفقٍ لشوفه شفاقـه=خل عنك الغطرسه والعنجهيـه
مادريت ان الجفا مـرٍ مذاقـه=لين صرت المتهم وانا ضحيـه
ودي ارسله مع الاشواق باقـه=خمس ورداتٍ سوا في مزهريه
لجل ودي به ولا ودي فراقـه=قمت افتش في ملفات القضيـه
ليه مايفتح لباب الوصل طاقـه=دام يحري بالغـلا والمقدريـه
