على شبآبيك الغرآم تمـوت سآعـآت المسـآ=و يذوب شمع الإنتظآر إللي من الوجد أنصهر
و تحن قطرآت الندى للصبح يوم إنـه رسـآ=على وريقآت الغصون إللي على ضفـة نهـر
و من غبة أعمآقي تهيج أموآج قلب" مآ قسـآ=تبني على الشآطي بيوت الشوق بكفوف السهر
و اليخت يقفي و النوآرس سرب و تغني نسآ=و الريح تهتف خذ بدآله قلت و العشق الطُهـر
و اللهـ.مآ أبدل به لو إنهم خيروني في النسآ=يكفيني إن الغيد مع شوفه تموت مـن القهـر
يآ جعل يفدونه من أطرآف الجبيل إلى الحسـآ=إللي غيآب أيـآم عنـه كنْهَـآ غيبـة دهـر
موق العيون و رمشهآ تسألك يآ ربـي عسـآ=الأيآم تجمعهآ بنور البدر في نصـف الشهـر
و نكفن المآضي و جثمآن المفـآرق و الأسـآ=و نسقِي جذور الحآضر إللي جدد أحلآم الزهر
ثم نشتبك بأطرآفنآ و نقول يآ الوقـت تخسـآ=إنك تَعَزْل إنسآن من ظله تحت شمس الظهـر

المصدر: الملتقى الجماهيري للشاعر محمد بن فطيس المري