[عبدالله السناني]

السلام عليكم ورحمة الله وبركاته ,
هذه قصيده وجهتها الى احد الشعراء ,, غلط علي بغلط ومعه واحد من اصحابه والقصه طويله ولكن من القصيده تفهمون كل شي

وانا نزلتها قبل ارسلها , واريد نقدكم جميعاً وأخص ( العالمي + سلطان البقمي ) قبل ان ارسلها , إن فيه اخطأ ف انا ماني معصوم من الغلط اذا فيه شي غلط نبهوني وبعدّله بإذن الله

[poem=font="traditional arabic,6,red,bold,normal" bkcolor="transparent" bkimage="backgrounds/21.gif" border="none,4,gray" type=0 line=1 align=center use=ex num="0,black""]سلام تسليمه على الراس ترعـدّ=مثـل المـزون بدربهـا مجرهـدّه
الوضع يالصاحب على راسك اشتد=وانته تحدانـي ولا فيـك شـدّه
خابرك ضامي مير ماتـارد العـدّ=والنـد متـورط وقافيـه نـدّه
شويرك اللي لـه زمانيـن منحـدّ=حيِل التقاعد مابقـى بـه مكـدّه
اعطه قرارن مـن قبلنـا معمـدّ=انه خدوم وكـل واحـد يكـدّه
وان كان وخرها وقـام يتلابـدّ= اقعد ثلاث شهور عشـه وغـدّه
تـراه ضـاري للدجـاج المبـردّ= يكبـر خصومـه وثوبـه يقـدّه
طبع البحر مايترك الجـزر والمـدّ=وانته بحر معروف جـزره ومـدّه
وش بك علينا تالي الوقـت محتـدّ=والـلاش ماينفـع لونـك تحـدّه
كانك ملزم بالتحدي ومـن جـدّ =كم واحدٍ مثلـك تـورط بجـدّه
احذر من هجومي ليا جاك مرتـدّ =تقعد تصيح ومنت قـادر تـردّه
واحذر ولا تغتر في حايط الصـد =ّحايطك ماهو كل شـيٍ يصـدّه
الموت واحـد والمنايا تعـددّ =ياللي فتحت البـاب لازم تسـدّه
ماكثر علومك وانت ملكك محددّ =أخَيـر ماتملـك فـراش ومخـدّه
اركد ولاعمـرك عليـه تنمـردّ= لديت لك من شعري بربـع لـدّه
ان كان لك مطلب وغايه ومقصدّ=باحسن طريقه ماعلى البال بـدّه
واللـي يكذبّنـا ويقعـد يخثـردّ =هـذا جبرنـا نلطمه فوق خده
يعيش في سجن الرخوم المؤبد= ماله مع اهل العرف قاله ومده
جاتك بيوت الشعر منـي تـورادّ=الحر حر ويرفـع الـراس هـدّه
جاتك بيوت الشعر عجّل على الردّ=وانسى الميانه والعتـب والمـودّه
وانا ادري انك منت قادر على الضد=ولال الحديد إلا حديد ٍ يضده[/poem]
وسلامتكم

 

 

 

 

 

 

 

 

توقيع : عبدالله السناني

لاذكرتك جات بين العقل والخافق حرابه ** انت والخافق وعقلي كلكم ضد => السناني.؟ حسابي في تويتر ~> تُسعدني مُتابعتكم [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]