هذه القصيده ممكن اغلبكم يعرفها ومنتشره بشكل كبير
لكن حبيت انقلها هنا لأني اذا قريتها هزت مشاعري هز وخخخخ
الشاعر الكبير عبدالله بن نايف بن عون العتيبي
انا غرب واللي خاطري ينتحيلـه شـرق=بعيداً وطن مظنون عيني عـن اوطانـي
حصل في غروب الشمس بيني وبينه فرق=عسى الله يقرب دار مـن حبـه اشقانـي
اليا جا لذيذ النوم يسرق عيونـي سـرق=ذكرته بعيـد وعافـت النـوم الاعيانـي
الا يالله انـك لاتجـازي حمـام الـورق=وراه يتلاحـى بالطـرب ليـن يشعانـي
قام يتلاحـى وشعانـي بحلـو الطـرق=ومن الولف اظنه جاين الـورق ماجانـي
من اربع سنين ومهجة الروح فيها حـرق=نتيجـة نـدب عينـاً سهمهـا تمثنـانـي
وساع العيون الساحريـة طعنهـن زرق=لها نظرةً مـن صابتـه طـاح وجعانـي
سقا الله اليا قام يتكاشـف علـي البـرق=وانا اشوف زولة بيـن ربعـي وخلانـي
تفتح لعيني يوم اشوفـه وسـاع الطـرق=وانا قبل اشوفة مثـل يعقـوب عميانـي
تهشم نظيرة من هميل الدمـوع الـزرق=وعمي لين جابوله قميـص ابنـه الثانـي
.
