لاتهوز النوايف وا نـت مـا لـك جنـاح
تبتـلـش بـيـن شّمـاتـك ومــوت الـطّـمـوح
الـمـواجـه يـبــي غـيــر العـزيـمـه سـلاح
خبّـر اللّـي بـنـا لــه باالسـوالـف صروح
ماعلى لو زعـل مصلـح لخاطـر صـلاح
مـالــي ومـــال خــــوّة نـاثـريــن الـصـبوح
مدرستنـا الحـيـاة ابـهـا رســوب ونـجـاح
والتلامـيـذ احــد يـضـحـك ولاخــر يـنـوح
ماطلـبـت العطـايـا مــن كـفــوفٍ شـحاح
اطلب الرزق من عنـد الكريـم السمـوح
يـاشــوارد بـنــات الـفـكـر والـــورق نــاح
الــجـــروح الـقـديـمــه جــددتــهــا جـــروح
اسـمـع أخــر قصـيـدي ياجمـيـل الـمـلاح
دام روحـك وروحـي تجتمـع وسـط روح
بـيـن عــوج الحنـايـا لــك مـجــيّ ومـــراح
ياوضوح الغموض الاّغموض الوضوح
شـاعـرك فــي الـمـواقـف ثـابــتٍ مـايــزاح
والـتـفـرد إ دلالـــه وســـط راســـي تـفــوح
اتـــرك ملـبـسـيـن الــجّــد ثــــوب الــمــزاح
نـظـرتـي ماوصـلـهـا قـاصـريـن الـشّـبـوح
مـن يـروم المعالـي عـاش عـمـره كـفـاح
اصعـب الخيـل خيّالـه يسـيـس الجـمـوح
ماثنى عزم رجلـي سيـر عكـس الريـاح
دام بــرق الـصـداره فــي عيـونـي يـلــوح
والـنـوايـف صعـيـبـه كـــان مـالــك جـنــاح
تحـتـرق بـيـن عـذّالـك ومــوت الـطـمـوح
الشاعر : راشد بن جليميد
