[حلم~]

(( تكفى يابونوره ))

قل لأكحل العين تكفى يابو نوره
من بادي الوقت وهذا طبع الايامي

الوقت جبار والاحياء مجبوره
أقفت وهي ظاميه وأقفيت انا ظآمي

الوصل مرفوع والحيلات مجروره
والبعد مجزوم والتوديع ألزامي

كني وكنها بليلن وجهها نوره
داخل أميه يوادع غوطه الشامي

كنها وكني بليلن دمعها جوره
كلمة خلافة توادع منصب إسلامي

أنثى تثنى من الأثناء مغروره
الخصر صوام والمردوف ماصامي

مجمع بني نوح جا في وجه سنيوره
في خدها سامي وفي طرفها حامي

لاقالت ابصم على حبي ودستوره
أبصم وتقرا اسمها في بصمة ابهامي

وان قالت أكتب قصيدن فيه لي صوره
أكتب على بابها والناس نيامي

ياغايتن من ورى ذا الباب مستوره
في بيتنا مرمى وفي بيتكم رامي








http://www.youtube.com/watch?v=gHDm4FL9KlE

 

 

 

 

 

 

 

 

توقيع : حلم~

💜

---

التعديل الأخير تم بواسطة حلم~ ; 07-17-2012 الساعة 09:45 PM