انت الهجير وانـت لـي شبـت النـار=وانت الخوي اللـي ترافـق مسيـري
مقّدر على بعـدك ولا غيّـرك أختـار=انا مصيـرك وانـت مثلـي مصيـري
بك اتجهـم عتمـت الليـل مـا أحتـار=وفيـك أتـذرا مــن عـنـا زمهـريـري
لا حل ليلي انـت لـي حسبـت الـدار=ون طــال عــادي مايغـيـر أثـيــري
يعنـي ابـد ماهمنـي لــو بـعّـد جــار=مادمت عنـدي فيـك انـا مستجيـري
ماهـاب انـا لـو قاسـي الليـل جبّـار=وشلون أهاب الليل وانته خشيـري
مـالـه عـلـي تأثـيـر ويـمــر مـــرار=بردي وحري انـت وانتـه حصيـري
ليا اشتعلت وصرت من داخلي حار=فيـك الهجيـر اللـي يطفّـي سعيـري
ليـا بـردت وصـار مكتـوب الاقــدار=فـيـك اتـدفـا عــن تـزايـد هـجـيـري
وليا اختلط ليلـي وليلـك والاسـرار=انتـه فهمـت اللـي بداخـل ضميـري
ارد علـى جمّـك ليـا صــار مـاصـار=وارويك انا مـن جـم ودي الغزيـري
ونصير انا وانتـه مـع الليـل سمـار=انـا عبـيـرك وانــت فـايـح عبـيـري
