الملتقى الجماهيري للشاعر محمد بن فطيس المري - عرض مشاركة واحدة

#1 06-30-2012, 08:39 PM

انا مانيب ماجد ولاكني زميله

وخويه الغالي وشاعر ومن يام

قل للعرب انتوا عليكم فشيله

ملحمه في جبهة الوقت لحام

جيوشكم اطلق شنب ياحليله

مايمسح الدمعه من خدود الايتام

وانا مانيب ادم ولانيب وكيله

لكن حنا شعب من دون حكام

اذا بغينا حاجتن مستحيله

في الليل صوام وفي الصبح صوام

نطاوع امريكا على كل ميله

ولا نعارضهااا ولو بالتكلام

تخفس سعر بترولنا ثم تشيله

تبا تحكم في بلدنا تحكام

وايلا هرجنا قلتو انها عميله

تشدي بها حتى قنوات الاعلام

لاحدن يقول ان الخليل لخليله

الزير لجل كليب ضحى بهمام

ومن حط بيته في دروب المسيله

هبيل لو تمنه دورات الايام

لوانه مضحي بفرد من كل عيله

التضحيه باب الامل للتقدام

احداث سبتمبر خذوها وسيله

فعاله لتمرير تخطيط الاجرام

وفي البوسنه والهرسك امه قتيله

والقدس والشيشان وافغان الاسلام

قالو اسامه لازم انا نزيله

يموت موته قاسيه مثل عزام

وصدام يا اما نستقيل والا نحيله

والا تقوم الحرب والوعد قدام

وننصب في بغداد حاكم بديله

وتمشي مصالحنا بلا قيد واحكام

حاكم هبيل ومعطياته هبيله

نقول له روح نام ويروح وينام

يا ام القرى يامنبع اهل الفضيله

الصمت في بعض المواضيع هدام

ياقبلة الاسلام دمعي حصيله

اما تهان في كل يوم وتنضام

رؤوسنا تخفض والانفس ذليله

راحت حضارتنا خرافات واوهام

جنودهم نارن تشب الفتيله

وجنودنا حبر وقراطيس واقلام

لكن ماتدري دعاة الرذيله

عبادة الدولار وارباب الاصنام

ان الشعوب تحقق المستحيله

وان بيننا مليون اسامه وصدام

قصيده قديمه للشاعر الكبير محمد بن الذيب جازت لي فنقلتها

المصدر: الملتقى الجماهيري للشاعر محمد بن فطيس المري