للشاعر/ محمد القاضي الجهني
لو كل زلة تجي نجلس نحاسبها
ماكان عشنا مع الايام لو مدة
نصبر عليها لاجات من عندها صاحبها
نصبر ولو ان الصبر زاد عن حده
رضا البشر غايتن محد يفوز بها
ماكل مخلوق يخلق ينكسب وده
الناس هذي مانعرف وش مذاهبها
من مد له طيب يمكن ينقلب ضده
دنيا عسى الله يخارج من عواقبها
ماحدن بسالم من الشرهات والصده
لو دامت ايام ماتصفي مشاربها
لابد من ساعتن للموت لابده
بعض البشر عاش مايعرف تجاربها
ماميز دروبها بالخير والشده
وبعض البشر عارفن وش هو مطالبها
مهما حصل بالزمن مابيح بسده
ودام الرياجيل تعرف وش مكاسبها
خل الضعيف يسيل الدمع مع خده..
