ســلام رديـــة ً تـاصــل جهـيـنـه كـلـهـا كنبـلـيـت=باسمي وبسم الوفاء كله عتيبه كاسبيـن الوفـا
غاب السناني بخيت وصار عبدالله يمثل بخيـت=في ساحة الشعر يوم بخيت نوره ياعرب ماطفا

يامرحبا يالعتيبي ياعريـــب الـسـاس دامـك لفيت=شاعر عتيبي يريح خاطر الجـمهـــور لامـــــن لفا
غاب ابو نايف وانا حاظر هنا في ماقفه مانسيت=انحت صخور المعاني لين جيت اليوم راس الشفا

فيـك البقـى يـوم انـا جيتـك وشفـتـك فالمـلاقـا لقـيـت=كـنـز اليتيـمـه ولــو مـــاودي اتـــرك علـمـكـم بالـخـفـا
امــا تشـيـد بيـوتـك بالمعـرفـه بـيـت فــي جـنـب بـيــت=والا اترك السيف لاتظرب بسيف الحرب صم الصفا

عندي كنوز المعارف وانت نايم من زمن ماوعيت=واما اليتيمه يقولون انها تسكن بدار السفا
اليوم نمشي من المشرق لما نوصل لحد الكويـت=انـــا هــــدومي تدفيني ولاكـنّ انت مالك دفا

اثرك عارف دروب المعرفه لكن اشوفك شكيت=من يشتكي لايجي ماد المعارك كان عزمه كفا
انا شجاع ٍ نهار الحرب فالميدان بعت وشريت=بعت الردي واشتريت الطيب الي للخمايل رفا

اليا شكيت اشــتكي لله وغـــير الله انـــــا ماســليت=بـــعض العرب لاشكيت الحال له يفرح بدرب الهفا
بنشدك وش صار لآهل الجيب يومنه صدم له ونيت=ناسٍ تقول الرجال امست ضحايا قلت هـــــرجة قفا

عزالله اني معك وافي لكن اشوف عني غديت=ياذيب خلك معي فالدرب معيه لايصيبك جفا
الجيب فوق الضحايا من عصر يارجل وش بك نسيت=يارحمة الله على هاك الضحايا والرفيق احرفا

عد الروى من زمان انا وردته ياجودي وارتويت=ماصابني شك مير ارفع سهومك قبل ماقول افاااا
يارحمة الله على شيابهم مابــيــــن حـــي(ن) وميت=الليل ظلم وعسعس كيف ذاك الشيخ ضوه طفا ؟

ماتنفعك يالسناني لو وقت الجد والا ياليت=مير الركايب سرت عزي لمن باقي على ماصفا
اخذ من الوقت واهل الفعل صيت ان كان محتاج صيت=وانا عتيبه حزامي فالشدايد غيرهم مانفا