[عبدالله حمد الغامدي]

سلام عليكم ورحمة الله وبركاته هذي مقتطفات قصيره

اكثرها مما انشر بتوتر اتمنى ان ترتقي لذائقتكم


تداولت لاخبار في كل الاقطار --- حول البشاعة والقهر والغبينة

وحنى نشوف النار ونخلي النار --- تاكل وتكبر والمصيبة مقيمة

نقول ياللعار والعيب والعار --- ايماننا بان السلامة غنيمة

ومواقف الامة ملفات واعذار --- وخوف وجبن ومباحثاتن عقيمة

ماعادنا بحرار لو نمشي احرار --- مادامنا من دون شيمة وقيمة

وحروف شعري ماهي ابداع واشعار --- على قدر ماتبكي امة عظيمة


****************************************




الشخص لامن تشبع من ملذاتة --- تحاقر افكاره اللي كان يرغبها

يحاول انه يصلح شي في ذاتة --- في وقتها وان مضى يومين خربها


***********************************************




راح اتغزل فيك مهما يقولون --- في ضحكتك في طلتك في حلاتك

والناس خل الناس لو كان يدرون --- انا عشقتك وانت هذي حياتك

*************************

كم تحاليت الزمان امرار لاكن ماصفالي --- مره اكثر من حلاه وجرحه اكبر من علاجه

كن جرحي مامعه قدره يخليني بحالي --- انتفارق عن بعضنا في ثواني وانتواجه


**************************************

كان الحزن لامرني يعتبر ضيف --- والبارحه جاني على غير طبعه

حسيت في ضعفي وانا ماني ضعيف --- وبكيت والدمعه عن الفين دمعه


************************

يامواضيع القصيد وقافية كل البيوت --- وياشرايين الحياة ونبضها وانفاسها

لك صدى صوتن يجي ويمرني مع كل صوت --- ااه يالبى الحروف ونطقها واحساسها


***********************

ماني بناشد عنك واقول وش فيك --- دائم كذا تزعل من الباب للطاقة

اللي بقوله ياعسى الله يشفيك --- ماعاد لي فرضى المخاليق طاقة


***********************


عبدالله حمد

 

 

 

 

 

 

 

 

توقيع : عبدالله حمد الغامدي

ما غابت الشمس لاكن غابت البسمه --- واستسلم القلب لجروحه وطعناته هذا هو الحظ ولا هذي القسمه --- ولا زماني تغير عن بداياته عبدالله حمد