[الودعااني]

الوقفه اللي ماتجي فـــــــي حينها
مـاني بملزوم ٍ عـــــلــــى تدوينها



لاصار ماجتني على وقت الطلب
آخــيـر مـــــــــــن تبينها تبطينها

لاعـــــاد ينشـدني ويبحث ماخـفا
طاف المطاف وخاب في تثمينها

ياحلوها فــي حلهّـا ياحـلـــوها
والاوّاله ماتلّحـق مــــن زينها

ناس ٍ نشوف اشكالها وتشوقنا
دون الجمايل خـيـبــت راجينها

ترى شحيح الجاه هو ساس البخل
والنفس عـــــــــن مداتهم مغنينها

هقيت به هقوه وجا مـــن دونها
يـاشينها فــــي ذمــتــي يـاشينها

بعض الاوادم لـــو تجيك معربه
آخير مـــــــن تحريكها تسكينها

اقــولـــهـــا والطيب نفنا مافنا
يـبـقـا بمر عصورها وسنينها

نلقاه لامــن دار دالوب الفكر
عند الذي وقفاتهم في حينها



ممآ رآآآآق لي ,,

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه