أحيان تخرج " دمعةٍ " تجرح العين
" دمعه تعاندني " وأنا أعرف سببها
إن جيت " بأخر دمعتي " تنحسب دين
وإن طعت " دمع العين " حرق هدبهـا
لوجيت " بأشرح وضعها " قلت بعدين
وإن جيت أبينـــــــــها فصمتي غلبها
مدري على وقتٍ مضى " قاسي وزين "
وإلا على دارٍ شكت من عربهــــا
مدري من أقصى الناس وإلا قريبين
وإلا على شان الحياة وتعبهــــــا
مدري دموعي سبت " البعد والبيـن "
وإلا لجل عيني تصعب طلبهـــــا
مدري من اللي توهم مستجدين
يطمح طموح وخطوته ماحسبها
مدري " دموعي " من فراق المحبين
اللي خذاهم خالقٍ قد وهبهــــا
يمكن عرفت السر لاعاااااد تبكين
وما قدره ربي لعيني كتبهــــــا
ماكل مخلوقٍ له " السر تبدين "
ولا كل من يدري يخلص نشبها
ياليـت " تبقى دمعتي داخل العين "
ولا يشمت اللي ماعرف وش سببها
ممآ رآآآآآآآآآق لي ,,
