رد: فــــضـــفــــضــــــة شـــــــاعـــــــــــــر
غابت ولا ادري عن تفاصيل يومه
يالله ترده من غيابه يجيني
قمت اتحراله ونفسي كتومه
اخاف شين صار بينه وبيني
يا من يبشرني وشنهي علومه
عسى وليف الروح نوره يبيني
يا ذالقمر والليل تكثر غيومه
والبرق يبرق والمطر دمع عيني
رجلي على المرقا تعلت رجومه
يعوي عواء ذيبن حدته السنيني
مال الكدر يرمي علينا سهومه
يكفي من اللوعات شوق وحنيني
من حكم عاداتٍ علينا لزومه
تفرض نفوسٍ خلت الزين شيني
قالوا تقاليد القبايل سلومه
عيبن تذب الدرب حينن وحيني
واحترت منها واصلها امعدومه
تقول ما كنا عرب مسلميني
|
