السلام عليكم ورحمة الله وبركاته
مسائكم عطر باريسي
اتشرف بتواجدي بينكم واتمنى ان اقدم مايرضي ذائقتكم الراقيه
:
يازين ريح الهيل في صفر الدلال=ويازين شوف الحر يسطي مخلبه
ويازين فعل الطيب واعلوم الرجال=اقولها بأحساس واقع تجربه
اصدح بصوت الحق و أذن يا بلال=يوصل صدى صوتك نجومً مرقبه
العلم غير العلم لو طال الجدال=كلً حموله شالها في منكبه
ماكنت اضن الشمس قافيها زوال=ولا كنت من غدر الليالي منتبه
لين التفتنا للجنوب و لشمال=ثم شفت فالاوضاع شخصً مشتبه
اللي ما يفرق فالحرام و فالحلال=مجروب لايعدي الاوادم بجربه
واللي ما يفرق فالجنيه و فالريال=لا يزعج العالم و يفتل بشنبه
راع الحكي و الفبركه و الأحتيال=من يمه الجوال ماله ذبذبه
شفت العجايب في عروض الكرنفال=شيً بصدق به وشي أكذبه
الذيب الأسحم يذبحه قرن الغزال=وشفت الاسد صوت النعامه يرعبه ؟
ما يارد الجمه قصيرين الحبال=طبع الردي نقل المحازم يتعبه
وانا من اللي طالوا اللي مايطال =تاريخنا يملا رفوف المكتبه
مانيب كامل غير لله الكمال=والشعر هاجوسً بصدري وأكتبه
واللي مايعرف وش كريمين السبال ؟=عليه صوم الدهر و أعتاق أرقبه
