رد: ساحة الشعراء وابداعاتهم تعال شاركنا ببيت او بيتين
قالوا تغزّل قلت مافيه غزلان
واذن به غزلان مالاح لي لون
فبلادنا ماشفت انا غير زيلان
والزول ماينفع اذا صار من دون
من دون شيٍِ مايلاحظ بالاعيان
شيٍ نشوفه لافتحنا التلفزون
اذا غشينا من محطات لبنان
محطةٍ تجلى عن الكبد طاعون
محطةٍ في القلب حطت لها شان
وباقي محطات العربسات ماتهون
فيها المذيعه وردةٍ وسط بستان
من تحتها الساقي ومن فوقها مزون
في وصفها والله يحيرنّ الاذهان
لو كان وصّفها من الناس مجنون
جديلٍ احمر اشقر اصفر بالالوان
من زود فنّه ماتمقّلت له لون
بس الوكاد انه ثقيلٍ ومليان
مجعّدٍ تظلم به كتوف ومتون
وعيونها لاطالعت تقل شيهان
وان سلهمت ماظن يشدن لها عيون
بس الوكاد رموشها ريش غربان
يظلل اللي بالمحاجر ينامون
وحواجبٍ مطوراتٍ من ازمان
ماهو على ماقالوا الربع ( مقرون )
لاعطّفتها كنها سيوف فرسان
وان نزلتها وقفت عنهم الكون
والقصيده اطول ( قاصد كريم )
|
