[فيصل الشلحاط]

سلامي سلام(ن)لو يوزع كفى الحضار====ويكفي من الغياب عشرين في الميه

ولايالسناني بعد ماهلت الأمطار=====لقينا الحيا لكن في ديار محميه



عبدالله السناني [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
هلا مرحبا ترحيبةٍ تـبـهـر الـــــــشـعار ** تريح هوى الشعار غير الشريطيه
انا ياوسيع العرف ماشفت غير غبار ** ويمكن على ماقيل غيمه جـنـوبـيه




بـــــرق الجنوب [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
يدوم البقا للي ليا طب مايحتار ===وله سيرة(ن)في الوقت ماهي بمنسيه

ولكن مايدري عن اللي حصل في الدار ===بعد سيلت وديانها كل عصريه

عبدالله السناني [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ترانا جهينه ننّطح النار ضرب النار ** ومافـيك شــك وريـب ياطـيــب النيه
تفضل وعطنا سالفة موجز الاخـبار ** على شان نعرف قصة الداب والحيه

بـــــرق الجنوب [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
أنا أقول ونعم لكن الوقت ذا غدار ====ولوهو بكيفي كان سويت مرثيه

لكن السنين المقبله مالها معذار====نباها تغير في الأمورالخصوصيه

عبدالله السناني [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اللي على درب الحق والدين مــايــنهار ** يالشاعر اللي لاعبه فيك الحساسيه
مشيت بيمين الدرب وانته خطك يـــسار** وحــنا مانـــعلم بالارزاق السماويه



بـــــرق الجنوب [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
قليل الأدب حطوا العرب من عليه ستار===يخافون لويبدي لنا تحصل الهيه

ماتقدر تحدد لي مصيري وأنا بختار===مدام إن لي هيبه وقوه وشخصيه
عبدالله السناني
ترا الله موصينا بقرب الرحــم والــجار ** تركد تركد واجلس ف بارد الفيه
علامك تصوب رميك بدون وزن عيار ** تر النار نار وماهي اللعاب ناريه

بـــــرق الجنوب [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
مصيرك ياعبدالله تعلم من التكرار====مدامك تعلمك العرب روحه وجيه

تراني أكره المغرور والخبل والثرثار===نصيحتك للفهمان ماهي ضروريه