[بنت برقا]

يــــا بــعــد كــــل الـرسـايــل هـالـرسـالـه
تـوّهــا مــــا كـمّـلــت عــمــر الـطـفـولـه
طفـلـةّ فيـهـا العـطـر يـــا طـــول بـالــه
ودّه يـفـوح.. ويـبـوح، وهـــي خـجـولـه
مـثـل طـبـع الـلـي كتبـهـا مـــن دلالـــه
فـي مسافـات الـزمـن واربــع فصـولـه
دالهٍ لا جيت أشوفـه.. شـاف حالـه!
مـــا تـهـيّـا مـنــه لـــو نـظــره عـجـولــه
صار عندي راس مال.. وراس ماله
ضحكـةٍ معهـا عقـل.. بـس مهبولـه!
لا ضحـك فــي مسمـعـي كـنّـي قبـالـه
كـنّــي اقــطــف ورده وعــقــده ولــولــه
واحـبـس بعيـنـي خـيـالٍ مـــن جـمـالـه
وارفـع لسمعـي يـدي كنّـي ب اطـولـه
وارســم لـزولـه شـكــل يـشـبـه خـيـالـه
في خيالي.. والاّ انا ما شفت زولـه!
كـلّــمــا حـرّمــتــه.. ألـقــانــي حـــلالـــه
وكلّـمـا عـنــه أبـتـعـد.. قـرّبــت أنـولــه
كـنـت أفـكّـر مــرّه.. الـقـى لــي بـدالــه
دام بعده صعب.. والأصعب وصولـه
قـلــت: يـــاالله نـفـتـرق.. كـــلٍ وفــالــه
قال:ياالله.قـلـت لحـظـه!مـن يـقـولـه؟!
أطــري الفـرقـا وانــا مــا مــن صمـالـه
وادري ان فـرقــاه مـاهــي بالـسـهـولـه
كــم عــذولٍ قــد عذلـنـي فــي وصـالـه
ومن عذلنـي قلـت لـه نفـس المقولـه
مــــا يـخـلّــي حــالــة الــرجّـــال حــالـــه
غـيـر بـنــتٍ فـــي مواقـفـهـا رجـولــه!.

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات