الى الشاعره ترانيم المطر , مع التحيه
حظي اللي حطني مابين داب وبين حيه
حطني مابين داب وبين حيه من رداته
لعن ابو هاللحظ خاين ليه مايوفي شويه
النصاحه في بشوته والمصايب في عباته
وانت يااللي نيتك في صاحبك ماهي صريه
تزهمه للمسجد وبعدين تضحك في صلاته
قال انا اخوك المقرب قال انا حوض المنيه
قال انا اللي لاتحدث ماحد يقطع رواته
غادر وملعون جد وماشي بمليون نيه
والخيانه والنذاله والرذاله من صفاته
افطر بيوم رمضان وصام في عيد الضحيه
ليت ابوه امسى عقيم او عوض امه في خواته
آآآه ياشين الخوي لامن نوى غدرت خويه
لانسيت اصل الخيانه كيف تنسى ذكرياته
ياترانيم المطر بالمختصر ردي عليه
بين داب وبين حيه من يبا يظهر براته
| توقيع : عبدالله السناني |
لاذكرتك جات بين العقل والخافق حرابه ** انت والخافق وعقلي كلكم ضد => السناني.؟
حسابي في تويتر ~> تُسعدني مُتابعتكم
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
|
