ابطي وتبطي والغلا مانسيناه=يا اغلا وليفن شافته عين مغليك
جرح الهوى كايد ومن يملك دواه=سواك ياللي يسعد القلب طاريك
لاتعتذر والقلب حبك تبلاه=والجرح ينزف من سبايب تغليك
لك في خفوقي قبل لاتقفي وصاه=وخفتك تشوف الدمع لاجيت اوصيك
مسحت دمعي ثم سميت بالله=لاتحسبني يوم قفيت بدعيك
ادري ماتبغا البعد والقرب تبغاه=لكن عيا الوقت ما عاد يمديك
باقول للخاطر تصبر وتلقاه=وبقول له لو طول الصد بيجيك
اكابر بجرحي عسى القلب ينساه=واصد به مما يهيض طواريك
اجبر بقلب(ن) ضامه الوقت وابكاه=اصبر لو ان فرقى المواليف تبكيك
ولاتشتكي لوعله القلب في دواه=يعني تصبر ياعسى الصبر ينجيك
والا احفضه ذكرى لشي(ن) تمناه=حلم(ن) قديم ضاع من بين اياديك
