اقتباس:
المشاركة الأصلية كتبت بواسطة يحيى الأسيود [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
تسلم على النقل الرائع ,, وليتك ذاكر شاعرها
يحيى يسلمك ربي من عذابه فديت روحك بعدين والله ماحصلت اسم شاعرها
بس حصلت تكمله لها كانت ناقصه ثلاث الابيات الاولى والبيت الختامي وهاذي الاساسيه ,,
يا مل قلبٍ ضاق من حر مافيه
جر الونين ولاحـدٍ فاطـنٍ له
على الذي اقفا وعيني تراعيه
راح وختم قلبي بختمـة سجله
ما يدري ان الحب شيّد مبانيه
ولا يدري ان الشوق يرثي محله
اراقب طيوفه واتابع خطاويه
واصد عن جرح الحشا حشمةٍ له
واسامر النجمات والليل أسرّيه
مابين صمت وبوح والدمع اهله
واعاتب حروف الغلا يوم ترثيه
واطوي غلا ذكراه وارجع أفله
طالت على قلب المعنّا لياليه
والريق يابس والضوامي تبلّه
يا وجد حالي كل ماصحت لبيه
لبيه يا سارق غلا القلب كلهْ
ماغيرك اللي شرّع القلب بيديه
ولا غيرك اللي شد قلبي وتلّه
ياعاذلين القلب ليه المشاريه
وقلوبكم رجم المعنّا تدله
لو تكثرون القول ما باح خافيه
ولا باح مكنونه على قلب خله
وما دام راسه حي والله معافيه
أنا بخير وضيقتـي فـدوةٍ له
ولاهنت فديت روحك ,,
