[فراشة]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]






فلّوة هذي مثل طلّ الصبـح لأغصـان الحدايـق
يبتسـم قطـر النـدى لاباسـتـه أو باسـهـا

فلّوة هذي بنت لامن شفت صدر الليل ضايـق ..
أدري ان عيون فلّوة اليـوم طـال نعاسهـا !

من هنا تصحى ويصحى الحب في عيون الخلايق
ومن هنا تغفى وتنسى الارض ضحكـه ناسهـا

يسعد الله قلب فلّوة اللي كثـر ماهـوب بايـق ..
..من قلوب الخلق..مااذكر مـرّ يـوم وداسهـا

لأن فلّوة أرق بنت..ولو قسـت ماهـوب لايـق
حيّرتني فلّوة..الأجمل : هـي..والا أحساسهـا !؟

بالها لاضاق زانت..كيف لامن صار رايـق!؟
في انتباهتها براءه..كيـف اجـل هوجاسهـا !؟

العمر لو كـان ضحكـه فلّوة تكفينـي دقايـق
بس اخاف ان مت..تحني فلّوة فوقـي راسهـا

فلّوة لـو تبكـي لموتـي مالـي الا افـز فايـق
من قبـل لاامـوت أكثر..مـن نشيـج انفاسهـا

فلّوة .. لاتعطين بال لمن يقـول المـوت عايـق
الجسـد موتـه يفـك الـروح مـن حراسهـا

ماأحبك فـوق الارض وبـس ياكـل الخلايـق
حتى تحت الارض أحبـك يابعـد مـن داسهـا

فلّوة لو ماقلـت فيهـا بيـت واحـد ماتضايـق
لأن مالي شعـر ينشـر لـو رفـض كراسهـا

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

 

 

 

 

 

 

 

 

توقيع : فراشة

,, اللهم اجعل مدونتي شاهدة لي لا علي , وارحمني برحمتك يَ كريم