[الودعااني]

الوقفه اللي ماتجي في حينها
مـاني بملزوم ٍ على تدوينها

لاصار ماجتني على وقت الطلب
آخــيـر من تبينها تبطينها

لاعاد ينشـدني ويبحث ماخـفا
طاف المطاف وخاب في تثمينها

ياحلوها في حلهّـا ياحلوها
والاوّاله ماتلّحـق من زينها

ناس ٍ نشوف اشكالها وتشوقنا
دون الجمايل خيبت راجينها

ترى شحيح الجاه هو ساس البخل
والنفس عن مداتهم مغنينها

هقيت به هقوه وجا من دونها
ياشينها في ذمتي ياشينها

بعض الاوادم لو تجيك معربه
آخير من تحريكها تسكينها

اقولها والطيب نفنا مافنا
يبقا بمر عصورها وسنينها

نلقاه لامن دار دالوب الفكر
عند الذي وقفاتهم في حينها



رآآآآقت لي ,,

 

 

 

 

 

 

 

 

توقيع : الودعااني

من صاحبـي زلتـه لاجـات امشيهـا امــا عـلى حشـمته والآ لشيبانه اطـا عليها ولا كنـي بـمـوحـيها واصد عنها وابرر غلـطـة لسـانه واحسب عواقيبها والله يـعـديـهــا من خوف لايدري الحاقد وشـيـطانه