[فراشة]

بسم الله الرحمن الرحيم

ياسعد وش شاف مجنون ليلى بالغـرام *** أشهد انـه وان بِلِـي بلوتـه ياهونهـا
ياسعد ليـلاه وان مـات فيهـا مستهـام *** تدري انـه بالهـوى ياسعـد مجنونهـا
المصيبه من غدى ميتٍ لـه كـم عـام *** عشقتـه ماتـدري انـه قتيـل عيونهـا
قرهدت نفسه عليهـا ومـرّ الكبـد زام *** ودوك قلبـه ياسعـد مزّعتـه طعونهـا
ياسعد والله يالولا الحيا واخشى المـلام *** والقرابـه والحيـا والهـوى وجفونهـا
لاانهبه وانحاش واجلى جنوب ديار يـام *** ما يردن لو وقف جيـش هتلـر دونهـا
ياسعد راع الهوى بالهوى لاضيم شـام *** مايـرده طـول بيبانهـا وحصونـهـا
وان غوى راع الهوى في هواها مايلام *** لااجتمع غبن الزمـن ياسعـد وغبونهـا
ياسعد هي منوة اللـي تمنـى والمـرام *** لعن ابو حظٍ قصر ياسعـد مـن دونهـا
أسمع الرعـاد واخيـل بـراق الغمـام *** بس مادري ياسعد ويـن وبـل مزونهـا
وياسعد والله فلا اسلى هواهـا لاحـرام *** لو يلوح الشيب فـي لحيتـي وقرونهـا
وخذ وصاتي ياسعد وصلّه بنت الحشـام *** ذي وصاتي كان غيري غدى مظنونهـا
لا شرت ثوب الفرح تشتري لي باع خام *** يدفنونـي ليلـة العـرس ويزفونـهـا


ش[أبوأديّب/ خليّل الشبرمي ..
~ راقت ليـّـا ~

 

 

 

 

 

 

 

 

توقيع : فراشة

,, اللهم اجعل مدونتي شاهدة لي لا علي , وارحمني برحمتك يَ كريم