وش تسوي لو عشقت انسان ماهو من نصيبك
لا لك بهالوضع يد .. و لا له بهالوضع سبه !!
وشهو ذنبك لو غدى من بين خلق الله حبيبك
تعرف إن قربه محال .. و قلبك مصمم يحبه ؟!
و انته متأكد و عارف يبى يجي يوم و يسيبك
يعني متوقع بأي لحظه يغيب و تغترب به
كل دربٍ يرحل بطيفه .. على وجهك يجيبك
كل حرفٍ يُكتب لغيره .. تحسه منكتب به !!
كن كل عيون خلق الله عيون ٍ له تذيبك
تنثر احساسك جمر ملح وْعلى جرحك تصبه
و اللي كاسر ظهر قلبك و بشقا الدنيا مصيبك
عارفٍ بانّك تحب .. و ما يعَرْف انّك تحبه
ساكنٍ بأصغر تفاصيلك و قلبه ما دري بك
ماكنٍ بأقصى معاليق الكيان اللي لعب به
وش تسوي لو مرضت بعشق من وصله طبيبك
و انت عارف لو ذبحك العشق ما داواك طبه ?!!
