سرتني الذكرى وسريت الاقدام *** في ساعة مابي الشوارع مسايير
مالي جدى غير افرك ابهام بابهام*** وتذكر الماضي وعد المخاسير
افراق خلا خاطري منه منضام *** لكن لا حيلة في وجه المقادير
قصرت حبالي والمعاليق حيام *** من عقب ميرادي على جمة البير
وانا على ذا الحال واكثر من العام *** من عقب ماودعت سيد الغنادير
راحت وخلتني على عسر الايام *** جالس على الحروة وسوق التباشير
كل يوم واترقب تجي عنه اعلام *** لعل تلفي مع وجيه المسافير
يالله يامنزل تبارك والانعام *** ياللي خلقت الكون حكمه وتدبير
تفرج لعبد(ن) يسهر الليل مانام *** وتبشره برجوع سيد الغنادير
