وش بلاني ياحبيبي في هواك
كل ماتبعد عن عيوني ابيك
ان نسيتك بي خفوق مانساك
يحفظ الموعد على صدره ويجيك
اشهد انك تستحق اللي عطاك
لايق(ن) يازين كل شي عليك
لايق حمر الشفايف في شفاك
ونقشة الحنا على راحة يديك
ظامي الشوق مارواني غير ماك
كل ما اروى اعود وارتويك
الحلا بالناس انواع وحلاك
ماهو حلومير اصبح حلو فيك
ياعلم بالمحبه قلي وش بلاك
ماتجاوب قلبي اللي يرتجيك
ذيك تضحك بالهوى من عشق ذاك
وذاك يبكي بالهوى من عشق ذيك
بليتني بالهوى وماقد ربي بلاك
ليت ربي انه بالمحبه يبتليك
ليت دمي يختلط يوم بدماك
وليت روحي في ضلوعك تحتويك
