[هايمه في ابن فطيس]

لك ساعتين وخاطرك ماصفالي
ليت الشعر يرتاح من شرهة ايديك

ترى السؤال اللي بعينك سؤالي
كم قلتلك ما اخترت حبك وطاريك

جيت بحياتي مثل عمي وخالي
ما اخترتهم واغليتهم مثل ما اغليك

كنك بعمري قبل لالقاك غالي
قدام لاشوفك واعرفك واحاكيك

يافرحتي بين الزعل والليالي
بأي الكلام استأذنك فيه وارجيك

والله لو تدري وش اللي طرالي
ماتصد عني لحظة يوم اناديك

ماغير انا وياك وش فيك سالي
كانه على النسيان ماني بناسيك

اقول لك شيا" وتقطع وصالي
.واقول لك شيا"وتزعل واراضيك

تعال مره بس مره بدالي
وتقول ساعدني واسافر واخليك.

سعود المري