الشعر له نظره وله روح واحساس
لا تفقع عيونه ولا تسلب الروح
ما دام فالشعار عايم وغطاس
اجعل لاحاسيسه منارات وصروح
الشعر يبكي من هوانه معى الناس
خلوه يزحف من عنا الضيق وينوح
اللي طلع به طلعة الطير قرناس
جابو له الطاروح وابقوه مطروح
اعلام ما ساعد تباريح وانفاس
اظهر خمج واجد وخلا هل الشوح
حد يضرب بشعره على هامة الراس
واحد يتحفا به على الناس ويلوح
وانا جعلته للمعاليق نبراس
من وين ما وجهت به ينقلب ضوح
انثر على كفيه لولو والماس
وابين ابداعه ولو كنت مجروح
شاعر جعل من بوح الاحساس مقباس
يغلي بصدره لين للعالم يفوح
