[فهد الهباش]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


يآ هاجسي وان كان للشعر ميراد = نَصّه على راع المواجـيـب نـصّه

أهل الوفا تستاهل المدح وان جاد = بيت الشعر والا لساني بقصّه

رحب بنا النشمي عسى عمره امداد = وشفت البيوت الشامخة ضمن نَصّه

رديت من باب الثنا ما هو عناد = اطنخ تراحيب الوفا له تخصّه

أمثال أبو مشهور للفخر معتاد = يوم ان غيره وسط علباه غصّه

شفت الصقر ياكر على روس الأشهاد = وشفت الذي بالمجد يرقى المنصّه

هذا انت يخسى كل شامت وحسّاد = الفخر لك كلّه وربعه ونُصّه
[/poem]

البقا يا ابن مشهور ، وما يحتاج وانا خوك مالنا غتى عن احبابنا
لبى قلبك وشعركــــ ،
تحياتي القلبيه والعذر على القصور في الأبياتــــ

 

 

 

 

 

 

 

 

توقيع : فهد الهباش

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الآدمي لو كل شيٍّ بشوره = ما ضاق من دنيا العنا والغرابيل لا شك من لا صار نفسه صبوره = حكوا به العالم قروم ومهابيل[/poem]

---

التعديل الأخير تم بواسطة فهد الهباش ; 05-05-2012 الساعة 08:58 PM