[سحابة الطائف]

محاورة جميله بين كلا من الشاعرين لهيب الثلج ومحمد الشريف

البدايه من الشاعر لهيب

سلامي سلاما يسعد القلب طاريه************وياصل محمد لين يبدي علومه
سمعنا خبر واليوم جتنا طواريه***************يقولون به خله ولاحد يلومه

رد الشاعر محمد الشريف

بعد ماكشفنا البرقع الي مغطيه************هلا مرحبا ترحيب يقضي لزومـــه
سمعت الخبـر لاكن خله بما فيه.********** نا يالهيب اكره عيال النمومـــــه

رد الشاعر لهيب

ياكاشف البرقع حذاري تناديه***************يجيك مسرع ثم ينزع هدومه
اعطيه مايبغي وحاول تسليه***************ماهو برايح لين حصل نعومه

رد الشاعر محمد الشريف

تصيب الوزن في حين واحيان تخطيه******اضـــــن ان خدودك يالهيــــب محمـــومه
انا ولد عمك مابغيهنت بعطيـــــــــه*********ولاكــــــن قدر يالهيــــب العمومــــــــــــه

رد الشاعر لهيب

الي مريض اليوم ربه يشافيه*****************راحت حياته بين طيحه وقومه
ياحراج بن قاسم كثيره حواريه****************افتح لنا سوقه وحنا نسومه

رد الشاعر محمد الشريف

وش الي تبي بضبط مني ومنيه************ترى هرجة النمات قهر وضلومــه
انا خابرك رجلٍ بعيــده هقاويه************ ولاكن تالي طايحــــــاتٍ عـــزومـــه

رد الشاعر لهيب

ابقول لك علم وابي منك لبيه**************واسقيك مر السم واطعم سمومه
يالي طلبت الشي يمكن تلاقيه****************والرمح لاجاكم تعور سهومه

رد الشاعر محمد الشريف

تدلـل وآمـــر والعســــل لاتصفيــه*********اذا صاحبك زي العسل لاتسومه
ترى الكفو تعرف ياعميلي مرابيه*********وتعرف مرابي الارديا والرخومه

رد الشاعر لهييب

ياراعي الحليب الي بسكر تحليه*************ذوق الحليب اليوم طازج بيومه
ذيب الفلا ياصاحبي لاتفليه*****************وانا مفسر حلم راعي الحلومه

رد الشاعر محمد الشريف

عسى الله ينّير قبر اميمتك ياهيه********* عطتك اللحوحه قبل وقت الفطومـــه
اقول لك سكر فمك الي مشقيــه*********اذا مامعك معشى وش اله العزومه

رد الشاعر لهيب

انا ابن عمك لازم انك تخليه|***************رشاشنا فوقك وتبصر نجومه
ماني عدوك لين حتى تعاديه*************ولاني عليك من الفرح والشتومه



شاعرين مبدعين ومحاورة جميله
تنسيق المحاوره من سحابه صيف (الطائف) إهداء للشاعرين