[شنق ونق]

قبل عامين جربت اكتب الشعر لني=شفت حال الشعر تشكي من اللي محقها

واكتشفت اني بترتيب الالفاظ فني=اوفي الفاظها من قبل ينشف عرقها

ثم تسامت حروفي والجسد ضاق مني=والقصايد تمنت بي تعانق ورقها

اشفي جروح شايب طول ليله يوني=وامسح الدمع عن عينٍ تزايد غرقها

والصبايا خلال ابيات شعري قرني=يوم غيري يساتر نهقةٍ له نهقها

واعتقد ما معى العربان واحد قرني=غير واحد سكت والغير عنه نطقها

شبهوني بناصر والمعاني نخني=الشريف الذي كل المعاني طرقها

عدت للخلف اراجع شفت له روح جني=بس لي هامةٍ حتى الزمن ما لحقها

عزمي اللي ينسق صدق قولي وظني=في سما الشعر كلمات الضماير برقها

ليت ناصر يجيني يا عرب بالتمني=وافلق الهامه اللي قط ما حد فلقها

نور وجهي على كل الخلايق يسني=والله اللي خلقني والله اللي خلقها