تروح الدروب منين والا تجي من وين
ياوجدي وياطول انتظاري وياصبري
تعرف الغلا اللي مايقسم على قلبين
كلافه واشق من المسافه على العبري
شمالية المثناه شرقية العينين
جنوبية الاحساس نجدية الكبري
لامرت تهادى قلت تاطي لها في طين
خطواتها وحده عن الثانيه شبري
سوات اللي اكبر من اخوانه بخمس سنين
يقول اتحدى منكم احدً يجي كبري
احلى بها غفلً طبايع ورق وزين
من الوضح مهديها عريني على جبري
معرضةً خلاف المغاتير مع ثنتين
يبا يدخلن وجافلتن من الكبري
وانا لاجفلت وقالت انا ماغير اثنين
اقول استحي وتقول مانتب على خبري
وتقرب شوي شوي واشعر بنفسي لين
تلاقى يديني من ورى عودها المبري
اتمتم لها واشر على حبتين التين
ليا مت حطيهن نصايب على قبري
| توقيع : ضامي الشوق |
|
