الملتقى الجماهيري للشاعر محمد بن فطيس المري - عرض مشاركة واحدة

#1 04-29-2012, 01:55 AM

مجاراه ل شنق ونق

بسم الله الرحمن الرحيم

السلام عليكم اسعد الله جميع اوقاتكم بالخير والمسرات

اول شي مانيب رفيقكم اللي انتم خابرينه متلخبطن جوي

السبب الاول ان اخي خالد العبيريد المشرف على قسم المحاوره

على وشك سفر للخارج بغرض العلاج وسال الله العالي القدير

ان يشفي ابوسهيل ويرده لنا ولعياله وشيبانه وربعه ومعارفه

سالم وغانم انه هو السميع المجيب قولو امين والشي الثاني

اخي شونق ونق من اسمه كنه كوري شمالي بس أني اعرفه

يقول لا هوب شاعر ولا ناقد ولايفقه بالشعر اي شي ولكن طلع

ليس كذالك وحبيت ادردش معه بالبيتين التأليه ولاحد يدقق

الدعوى مداعبه وكذالك ودي اغني لو مانيب طربان

العفو ياشنق ونق استوب باكتب لك قسيمه= من كلامك كنك مايعنيك تطبيق النظامي

ماسمعت بوقت ماتفرق رجاله من حريمه= يكذب المسلم ولايفرق حلال من حرامي

لاعشم لك بالرجال اللي ملامحهم وسيمه= ويش ابي من علم مايجلا غياهيب الظلامي

اكبر أحلام الفقير يرز له بالبر خيمه= ويحسده من راح عمره ماتحقق له مرامي

اه من حر الجروح المستجده والقديمه= كل ماداويت جرحٍ بان فيني جرح كامي

صاحبك ياشنق ضايق ضيقةٍ بقصاء صميمه//بس هاك العلم كله قبل تلحقني ملامي

البلا لاغاب عني وجه شيخ من حليمه//كل يوم بعد خالد في عيون سعيد عامي
المصدر: الملتقى الجماهيري للشاعر محمد بن فطيس المري