ياقلبـي اصبـر واليالـي مقابيـل=نور الفرج لابـد يقبـل شعاعـه
ريح عسى تفـداك كـل المهابيـل=ريح تـرا دنيـاك لهـو ومتاعـه
هاذي ثلاث اسنين مهموم واشيـل=ماعـاد لـي للهم زود استطاعـه
راحت حياتي بين هـم وغرابيـل=ان طعتني ياقلـب كـب اللكاعـه
والاانت ياراع الرموش المظاليـل=مركب هوانا مال جنبـه شراعـه
مثل الشـ ع ـر يازين حبل المواصيـل=وكثر التغلي ساعـي ٍ بأنقطاعـه
وان كان قصدك في هوايه تعاليـل=قلب الشقا وش لك تسبب ضياعه
لجلك تحمّلت العنا وأسهـر الليـل=أدافـع العبـرات ساعـه بساعـه
حبك هدم حيلي ولاعاد بـي حيـل=تصنع هروج الشوق عندي صناعه
كنت احسب انك ماتطيع العواذيـل=وأثـرك للعـذال سمـع ٍ وطاعـه
خلاص مايحتاج عـرف وتحاليـل=مادام جمـر الهجـر زاد بولاعـه
روّح ولاترجي نديـب المراسيـل=عندي من اللي مآيبينـي مناعـه