رد: ((( يا حٌلم )))
يا حلم ما ودك تحقق مرة ٍ طول الشهور
ـــــــــــــــــــــــــــــــــــــ كم منوة ٍ مرت على بالي ولا حققتها
ويا حظ قل لي لامتى وانت بحدور ٍ في حدور
ـــــــــــــــــــــــــــــــــــــ ما فيه حيلة لجل تنهض فوق ما نفذتها
ما عاد باقي غير مد الكف للذيب العقور
ـــــــــــــــــــــــــــــــــــــ والا النفاق وحاجة الانذال ما جربتها
حكم القدر خلا الاماني تحترق وسط الصدور
ـــــــــــــــــــــــــــــــــــــ لا يا قدر ليت بعد صغرتها كبرتها
نزرع من بذور الغلا بستان ريحان وزهور
ــــــــــــــــــــــــــــــــــــ سقيتها حبي وبالغيره عليه احرقتها
يا صاحبي بيني وبينك سلم قاسي ومخبور
ـــــــــــــــــــــــــــــــــــ ولولا الحيا والسلم يمديني معك خربتها
اخشى الملامه من طويلين السواعد والشبور
ـــــــــــــــــــــــــــــــــــ والا العواذل والله ان اموت ما عبّرتها
اللي تحب فراقنا وتلف بالهرج وتدور
ــــــــــــــــــــــــــــــــــ لكن لو تقسى علي بالهرج ما صدقتها
لا تتهمني بالجفى واني على بعدك صبور
ــــــــــــــــــــــــــــــــــ لا والله الا كل عله في غيابك ذقتها
القلب عن غيرك من الزينات مغلق ومحظور
ــــــــــــــــــــــــــــــــــ كم من هنوف قد نوت تجتال به صرفتها
والحين مالي حيلة الا اقول لك رح ومعذور
ــــــــــــــــــــــــــــــــــ ما شفت منك غير تحرق صورة ٍ ما شفتها
وانا وحلمي من عرفتك راسمه قد لي شهور
ـــــــــــــــــــــــــــــــــ واكثر الاماني جات وان ما جات ما حققتها
الله يكثر خير قلبك كان عزّم بك تبور
ــــــــــــــــــــــــــــــــــ والله يعوّض نية ٍ لك بالوفى بيّتها
وعليك السلام ورحمة الله وبركاته
يا هلا وغلا فيك يبو عبدالهادي
صح الله السانك وعتلا شانك
لا شفتلك قصيدة أدري أني بقتبسها كلها
وهذا يدل انك شاعر متمكن ما تجيب إلا الجزل إللي يضرب الوتر الحساس
نص عااااااااااااااااااااااالي الجودة من وين ما أجي له وهو شامخ
تقبل مروري المتواضع
اخوك عامر صالح الشنيف
|
