[احساس شاعر&]

نظــــام ساهـر لاتزيـد المعانـات ## يآالــة التصويـر كونـي رحيمـه

الناس فيهم ناس تحتـاج وقفـات ## وانتي هدفك اليـــــوم جمـع الغنيمـه

فكره جديده للبشـر توّهـا جـات ## تكشف مدى السرعه وترصد قسيمه

يالله عساها خير في كـل الاوقـات ## لعلهـا تكشـف خفايــا عظيـمـه

زحمة شـــوارع والحفـر والمطبـات ## منها نعــانـي مـن سنينـن قديمـه

تكاثرت بأسبـــاب نصـب الشركـات ## لين اصبحت في كل شارع مقيمـه

راحت سبايبهـا مواتــر وكـالات ## تكسّرت من عقـب كانـت سليمـه

البارحه يمكن الي خمـس مــــرات ## وفــلاش ساهـر مستلمنـي ظليمـه

لامزود السرعه ولا اقطع إشــــارات ## حتى ولا اتابـع مسلســل حليمـه

أي والله اشغلني بكثــــر الرسـالات ## والضغط مايحتــاج نظـره غشيمـه

ليـت الرقابـه تتجـه للمـحـــلات ## اللـي تجارتهـم خــداع ونميمـه

من يوم سمعوا فالرواتب زيــادات ## واسعارهـم تـــــزداد قيمـه وقيمـه

سعر الشعير وزاد عشره ريـــالات ## غير الدجـــاج وغير سعـر الكريمـه

واهل الشقق زادوا بسعر الاجـــــارات ## واصبح قليل الوجد عايف حريمـه

وان كبرت الدعوه وجات العــلامات ## انردهـا لاهـل القلــوب الرحيمـه

من غير ابو متعب بوقت المهمــــات ## له موقفن حــازم ونظـره حكيمـه

اب ورحيم وله مع الشعب وقفـــات ## وقفاته عـلاج الجـــروح الاليمـه

 

 

 

 

 

 

 

 

توقيع : احساس شاعر&

[poem=font="Traditional Arabic,7,white,bold,italic" bkcolor="black" bkimage="backgrounds/21.gif" border="none,4,gray" type=2 line=0 align=center use=ex num="0,black""] كــذاب من قال راحــو الطيبين ---- هذا انــااا موجود [/poem] ممنوع وضع ارقام الاتصال والتواصل في هذه المنطقه تم تحريره من قبل الاداره