بسم الله الرحمن الرحيم

كلمة حق لابد ان تقال مع اني هلالي متعصب .. خسارة المنتخب السعودي في هذه البطوله هو سبب واحد

وهو غياب اللاعب النصراوي ابراهيم غالب ..

..

قلنا بيسيرو راح وجاء الجوهر وراح نعيد الماضي والذاكره لعام 2004 .. ولكن كل شوي نازل في نازل

بيسيرو راح ولكن تكتيكه موجود ما تغير ..

..

المنتخب السعودي يا جماعة الخير واقولها وهي وجهة نظر خاصه فيني لا يحتاج الى مدرب الجوهر والزياني موجودين

وربي انهم افضل من الاجانب .. اذا تبيون الغير يجب على صاحب السمو الملكي الامير : سلطان بن فهد الاستقاله

لانه هو من يتحكم بكل شي في تشكيله وفي اختيار لاعبين ..

..

شايع النفسيه ايام اول من وين جايبينه من نادي الكوكب دوري درجه ثانيه وحقق انجازات والقاب ..

وجات ادارة الامير سلطان بن فهد وصار كل شي محصور على هلال اتحاد شباب اهلي ..

طلب ابراهيم غالب محمد الراشد بدر الخميس الثلاثه هذولا هم الابرز حاليا وينهم عن المنتخب

اليسوا بسعودين واليس لهم الحق في ارتداء شعار المنتخب قسم بالله منتخب لا يرفع الراس ولا هم يحزنون

وادري في ناس تبي تقول انهم راحوا نهائي كاس الخليج بالاولمبي احب ارد عليه واقول ماعمر بطوله الخليج

كانت مقياس للمنتخب السعودي .. ولا اذا جينا نبي نلعب مبارايات وديه ما عندنا الا انجولا و سنغافورا

ارجوـآ من ادراه المنتخب اعادة وجهة النظر وترا الرياضه في ذمك يا سلطان بن فهد ..

..

والحين يا الغالين احب ابارك للمنتخب السوري في البدايه اتمنى له التوفيق امام المنتخب الياباني

والف الف مبروك هذا المستوى والنتيجه للمنتخب الاردني ونحن يا ناس في النهايه عرب لا يفرقنا

لا مذهب ولا بلد ولا شي الف الف مبروك وبالتوفيق للمنتخبات العربيه وانا من الان وبعد خروج المنتخب السعودي

وتضائل فرص المنتخب الكويتي فاني العلن ميولي من الان انا مشجع اماراتي وبالتوفيق له

والان يا الغالين لكم الهدف اليتيم لمباراه السعوديه وسوريا كاس اسيا 2011

اهداف مباراة السعوديه vs سوريا 0 1 كاس اسيا 2011 بتعليق فارس عوض







والله ما ادري شنو اقول يا جماعة الخير بس ما اقول الا قدر الله وما شاء فعل وهذي هي الكوره فوز وخساره

واحب اقول للرئيس العام لرعايه الشباب الخطا موب عيب ولكن العيب انك تستمر على الخطا

ختاما تم فتح قناة خاصه بي جديده في مساء امس وتم رفع ما يقارب 13 ملف فيديو فحياكم الله فيها

http://www.youtube.com/user/h41ana?feature=mhum

والان لكم مني احلا وارق الامنيات اخوكم / مشاري الراشد

المصدر: الملتقى الجماهيري للشاعر محمد بن فطيس المري